Cəbrayılda partlayış | ANAMA əməkdaşı həyatını itirdi

İşğaldan azad edilən Cəbrayıl rayonu ərazisində sursat partlayışı hadisəsi baş verib.

Bu barədə Daxili İşlər Nazirliyi, Baş Prokurorluq və Minatəmizləmə Agentliyi məlumat yayıb.

Bildirilir ki, Cəbrayıl rayonu ərazisində iyunun 21-də icra edilən minatəmizləmə prosesi zamanı baş verən partlayış nəticəsində Agentliyin əməkdaşı 44 yaşlı İsayev Raqif Deputat oğlu həyatını itirib.

Hadisə zamanı müxtəlif dərəcəli bədən xəsarətləri alan əməkdaşlar rayon xəstəxanasına təxliyə edilib. Vəziyyətləri qənaətbəxşdir.

Hazırda prokurorluq əməkdaşları tərəfindən hadisə yeri müayinə olunur. Faktla bağlı Cəbrayıl Rayon Prokurorluğunda araşdırma aparılır.