Çeçenlərlə azərbaycanlılar arasındakı kütləvi atışmanın təfərrüatı ortaya çıxdı

Moskvanın cənubunda çeçenlər və azərbaycanlılar arasında atışma və bıçaqlanma ilə nəticələnən münaqişədən sonra 7 nəfər saxlanılıb.

Bu barədə Rusiyanın Daxili İşlər Nazirliyindən bildirilib. Nazirlik əməliyyat zamanı çəkilən görüntüləri yayımlayıb.

Paytaxt prokurorluğunun məlumatına görə, hadisə Biryulovo Zapadnoye rayonunun Medınskaya küçəsində baş verib. Davada 15 nəfər iştirak edib. Münaqişə iştirakçıları odlu silahdan bir-birilərinə atəş açıblar.

Məlumata görə, hadisə nəticəsində bir nəfər ölüb, bir neçə nəfər xəsarət alıb. Onlar xəstəxanaya yerləşdiriliblər.