Cəlilabadda 9 il əvvəl itkin düşən qadının qətlə yetirilməsinin detalları açıqlandı
Cəlilabadda 9 il əvvəl itkin düşən qadının qətlə yetirildiyi məlum olub.
Hadisə rayonun Göytəpə şəhəri, Vasif Hüseynov 27 ünvanında qeydə alınıb.
43 yaşlı Göytəpə şəhər sakini Xəyalə Xəlilovanın meyiti köhnə tikilidə tapılıb. Yaxınlarının bildirdiyinə görə, Xəyalə Xəlilova həmin gün qonşuluqda keçirilən ziyafətdə iştirak edib. Daha sonra evə qayıtmayıb.
Baş Prokurorluqdan verilən məlumata görə, Cəlilabad Rayon Prokurorluğu və Rayon Polis Şöbəsi əməkdaşlarının birgə fəaliyyəti nəticəsində 2016-cı ilin aprel ayında itkin düşmüş Xəyalə Xəlilovanın qəsdən öldürüldüyü müəyyən edilib.
İstintaq və əməliyyat-axtarış tədbirləri nəticəsində 1997-ci il təvəllüdlü Elnur Eynullayevin aralarında yaranmış mübahisə zamanı Xəyalə Xəlilovanı döyməsi, daha sonra onu boğaraq qəsdən öldürməsi və cinayəti gizlətmək üçün basdırmasına əsaslı şübhələr müəyyən edilib.
Xəyalə Xəlilovanın meyitinin basdırıldığı yer müəyyən olunaraq prokuror-kriminalistin və ekspertin iştirakı ilə çıxarılıb, aidiyyəti üzrə müayinənin aparılması üçün ekspertizaya təqdim edilib.
Faktla bağlı Cəlilabad Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. E.Eynullayev polis əməkdaşları tərəfindən saxlanılaraq istintaqa təhvil verilib və prokurorluq tərəfindən şübhəli şəxs qismində tutulub.
#Cəlilabad rayonu teqi istifadə olunub
- Dəhşət: Azyaşlı uşaqları olan Cəfərovlar ailəsinin faciəsi | Qadın ərini ürəyindən vurub öldürdü?
- Cəlilabadda tarixi əhəmiyyətli unikal abidə talan olunub
- "İnsanlar da bu virusa yoluxa bilər" | Cəlilabadda sahibkarlar çıxılmaz vəziyyətdə
- Azərbaycanda iranlı ilə əlbir işləyən şəxslər belə ələ keçdi
- Məktəblilər arasında mübahisə qanla bitdi | Hadisənin təfərrüatları
