Hadisə
Pleyeri seçin:
Civəni 200 min manata satmaq istəyərkən saxlanıldı
Şəmkir Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində əcnəbi ölkədən qeyri-qanuni yolla respublika ərazisinə gətirilmiş, insan sağlamlığına güclü təsir göstərən zərərli kimyəvi maddə hesab edilən civəni satmaq istəyən şəxs saxlanılıb.
Daxili İşlər Nazirliyinin mətbuat xidmətinin Gəncə regional qrupundan verilən məlumata görə, araşdırmalar zamanı məlum olub ki, Hacıqabul rayon sakini İbrahim İbrahimovun sosial şəbəkə vasitəsi ilə tanımadığı əcnəbi vətəndaşla cinayət əlaqəsinə girərək Şirvan rayonu ərazisində gizlədilmiş civəni Şəmkir rayonuna gətirməsi və orada 200 min manata satmaq istəməsi məlum olub.
Şübhəli şəxs saxlanılaraq Şəmkir Rayon Polis Şöbəsinə gətirilib və üzərindən 2 ədəd şüşə qabda ümumi çəkisi 1 kiloqram 700 qram olan civə aşkarlanaraq götürülüb.
Aşkar edilən maddi sübut müvafiq ekspertizaya təqdim edilib. Faktla bağlı araşdırmalar davam etdirilir.
Kopyalandı
Seçilmişlər
