Pleyeri seçin:
Dəhşət: 11-ci sinif şagirdinin başına gələn hadisə görənlərin ürəyini ağzına gətirdi - Baku TV
Mingəçevirdə 11-ci sinif şagirdi oxuduğu məktəbdə pəncərədən yıxılıb.
Hadisə 3 nömrəli tam orta məktəbdə qeydə alınıb.
Müxtəlif bədən xəsarətləri alan məktəbli Mingəçevir Şəhər Mərkəzi Xəstəxanasına çatdırılıb.
Tibb müəssisəsindən verilən məlumata görə, Təcili tibbi yardım şöbəsinə hospitalizasiya olunan 2008-ci il təvəllüdlü yeniyetməyə sağ topuq nahiyəsinin yerdəyişən sınığı diaqnozu təyin olunub və zəruri tibbi yardım göstərilib. Vəziyyəti kafi qiymətləndirilən şəxs ambulator müalicə üçün evə buraxılıb.
Mərkəzi Aran Regional Təhsil İdarəsindən bildirilib ki, hadisə ilə bağlı məktəb rəhbərliyi tərəfindən dərhal təcili tibbi yardım çağırılıb. Şagirdə ilkin tibbi yardım göstərilib və müayinə olunması üçün müvafiq səhiyyə müəssisəsinə yönləndirilib. Hadisə ilə bağlı məktəblinin valideynlərinə və hüquq-mühafizə orqanlarına məlumat verilib. Xəsarət alan şagirdin vəziyyəti nəzarətdə saxlanılır.
Kopyalandı
Seçilmişlər
