Dəhşət: Azyaşlı uşaqları olan Cəfərovlar ailəsinin faciəsi | Qadın ərini ürəyindən vurub öldürdü?

Cəlilabadın Günəşli kənd sakini, 35 yaşlı Vüsal Cəfərov qətlə yetirilib.

Onun həyat yoldaşı, 32 yaşlı Kəsirə Cəfərova tərəfindən öldürüldüyü bildirilir.

Məlumata görə, aralarında yaranan mübahisə zamanı qadın bıçağa əl ataraq ərinə xəsarət yetirib. Vüsal Cəfərov Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Xəstəxananın mətbuat xidmətindən verilən məlumata görə, 1990-cı il təvəllüdlü şəxsə döş qəfəsinin, ürək nahiyəsinə nüfuz edən kəsilmiş, deşilmiş iti alət yarası, ürəyin tomponadası, daxili qanaxma və hemorragik şok 3-4 diaqnozu təyin edilib.

Pasiyent dərhal cərrahi əməliyyata alınıb. Göstərilən bütün reanimasiya tədbirlərinə və həkimlərin çoxsaylı səylərinə baxmayaraq, saat 14:30 radələrində ölüm faktı qeydə alınıb.

Qeyd edək ki, Kəsirə Cəfərova polis əməkdaşları tərəfindən saxlanılıb.

Faktla bağlı Cəlilabad Rayon Prokurorluğunda Cinayət Məcəlləsinin müvafiq maddəsi ilə cinayət işi başlanıb, istintaq davam etdirilir.