DİN Məhərrəmlik fırıldaqçısı ilə bağlı məlumat yaydı

Məhərrəm ayında yaşlı nəslə yardım ediləcəyi adı ilə onları aldadan şəxs polis əməkdaşları tərəfindən saxlanılıb.

Bu barədə Daxili İşlər Nazirliyindən məlumat verilib.

Bildirilib ki, polis əməkdaşları tərəfindən keçirilən tədbirlərlə naməlum şəxsin kimliyi təyin edilib: “Onun 1993-cü il təvəllüdlü Əmrahov Vüsal Tahir oğlu olduğu məlum olub. Davam edən tədbirlərlə həmin şəxs saxlanılıb. Onun üzərində olan 200 manat saxta əsginas aşkarlanıb. Vüsal Əmrahovun əməlindən zərər çəkən şəxslərin polisə məlumat vermələri tövsiyə edilir”.

Xatırladaq ki, sosial şəbəkələrdə yayılan məlumata görə, saxlanılan şəxs paytaxtın Yasamal rayonunda 150 manat ehsan verilir adı ilə 200 manatlıq saxta əsginası yaşlı şəxslərə verərək əvəzində 50 manat qalıq alıb.