DTX dövlətə xəyanətdə təqsirləndirilən Azər Bağırovu İordaniyadan Azərbaycana gətirib
Bakı Şəhəri Səbail Rayon Məhkəməsində Azərbaycan vətəndaşı Bağırov Azər Akif oğlu barəsində seçilən qətimkan tədbiri ilə bağlı məhkəmə prosesi keçirilib.
Xarici xüsusi xidmət orqanının nümayəndələrinə kömək etməklə casusluq formasında dövlətə xəyanət etməkdə ittiham olunan Azər Bağırov Azərbaycan Respublikası Dövlət Təhlükəsizliyi Xidməti tərəfindən keçirilən tədbirlər nəticəsində İordaniya Haşimilər Krallığı ərazisində tutularaq ölkəyə gətirilib.
İş materiallarından məlum olur ki, xarici ölkənin xüsusi xidmət orqanı 3-cü ölkələrdə hazırladığı təxribat hadisələrində iştirakını büruzə verməmək üçün Azərbaycan vətəndaşı kimi Azər Bağırovu cəlb edib. Azər Bağırov isə öz Azərbaycan vətəndaşı statusundan xarici xüsusi xidmət orqanının xeyrinə və ölkəmizin dövlət təhlükəsizliyi zərərinə istifadə etməklə xaricdə dövlətimizin maraqlarına qəsdən ziyan vurub, casusluq fəaliyyəti ilə məşğul olub.
Məhkəmə Bağırov Azər Akif oğlu barəsində Cinayət Məcəlləsinin 274-cü (dövlətə xəyanət) maddəsi ilə həbs qətimkan tədbiri seçib.
#Dövlət Təhlükəsizliyi Xidməti teqi istifadə olunub
- Xaricdə qanunsuz miqrasiyada iştirak edən azərbaycanlılar kimlərdir? - DTX müəyyən edib - Baku TV
- Azərbaycana xəyanət edən “alim”in əsl siması | İqbal Əbilovun arxasında dayananlar - Baku TV
- Bu gün DTX və XKX əməkdaşlarının peşə bayramıdır - Baku TV
- DTX-nin 107-ci ildönümünə həsr olunan videoçarx - Baku TV
- Prezidentin ailəsini şantaj edən şəxs kimdir? | DTX-dən əməliyyat - 24 SAAT
