Ermənistandan Azərbaycana keçən şəxsə qarşı tədbir görüldü

Çex Respublikasının vətəndaşı Ermənistandan Azərbaycana keçmək istəyərkən saxlanılıb.

Bildirilib ki, həmin şəxs Ermənistan tərəfdə minalanmış zonadan keçərək Azərbaycan ərazisinə daxil olub.

Müvafiq məlumat Çex Respublikasının Azərbaycandakı konsulluğuna göndərilib. Hazırda faktla bağlı araşdırma aparılır və onun şəxsiyyəti müəyyənləşdirilir.

Qeyd edək ki, son vaxtlar bir sıra Avropa ölkələrinin, xüsusən də Fransanın nümayəndələri Ermənistan-Azərbaycan sərhədinə kifayət qədər tez-tez səfər edirlər.

Belə ki, fevralın 2-də Fransa Milli Jandarmeriyasının briqada generalı Uilyam De Meyer Avropa İttifaqının Ermənistandakı mülki missiyasının yerləşdiyi yerə baş çəkib, orada vəziyyətlə tanış olub. Bütün bunlar Avropa strukturlarının bu ərazidə kəşfiyyat apardığını göstərə bilər.