Ermənistanla həmsərhəd ərazidə mina partladı: FHN hadisə yerində

Azərbaycanın Ermənistanla sərhəddə yerləşən Gədəbəy rayonu, Novoivanovka kəndinə yaxın ərazidə baş verən yanğın zamanı mina partlayıb.

Məlumatı "Report" Agentliyi yayıb. Əraziyə Fövqəladə Hallar Nazirliyinin Gədəbəy rayon Yanğından Mühafizə Hissəsinin yanğınsöndürən maşınları, canlı qüvvəsi və digər qurumlarının əməkdaşları cəlb olunub.

Yanğın həmsərhəd ərazidə baş verdiyindən, həmçinin mina təhlükəsi nəzərə alınaraq alova tam müdaxilə etmək hələlik mümkün olmayıb. Amma yanğının Novoivanovka kəndi ərazisinə keçməməsi və təhlükənin artmaması üçün tədbirlər görülür.