Fəvvarələr Meydanında qanlı dava düşdü | Bakıda araşdırma başlandı

Bakının Səbail rayonunda dava zamanı iki nəfər ağır xəsarət alıb.

Hadisə Nizami küçəsində yerləşən Fəvvarələr meydanında qeydə alınıb.

Belə ki, 2003-cü il təvəllüdlü Oktay Qurbanlı və onun iş yoldaşı 2002-ci il təvəllüdlü Turqut Cümiyev dava zamanı bıçaqlanıb. Yaralılar sözügedən ərazidə yerləşən restoranların birində ofisiant işləyirlər.

Hər iki şəxs Kliniki Tibbi Mərkəzə yerləşdirilib. Xəsarət alan şəxslərin vəziyyəti orta ağır kimi qiymətləndirilir.

Fakt üzrə Səbail Rayon Polis İdarəsinin əməkdaşları araşdırma aparır.