Hadisə
Pleyeri seçin:
Gəncədə güclü külək avtomobillərə ziyan vurdu
Güclü külək Gəncədə bir sıra fəsadlar törədib, şəhərin müxtəlif ərazilərində ağaclar aşıb, dam örtükləri uçub.
Axşam saatlarında başlayan güclü külək və yağış şəhər ərazisində 10-a yaxın irigövdəli ağacı aşırıb. Bəzi yerlərdə yola düşən ağaclar avtomobillərin hərəkətində çətinlik yaradıb. Heydər Əliyev prospektində aşan nəhəng çinar ağacı isə iki minik avtomobilini yararsız hala salıb.
Bundan başqa, şəhərin müxtəlif ərazilərində külək fərdi yaşayış evlərinin və obyektlərin dam örtüklərini uçurub.
Güclü külək və yağış səbəbindən Gəncənin bir hissəsində elektrik enerjisinin verilməsində fasilə yaranıb. Hava şəraiti ilə bağlı 3 günlük narıncı xəbərdarlıq elan olunub.
Əlverişsiz hava şəraiti Qərb bölgəsinin bəzi rayonlarında da anoloji problemlər yaradıb.
Kopyalandı
Seçilmişlər
