Goranboyda şagirdi döyən direktor barəsində hansı qərar verildi? - Baku TV
Goranboy rayonunda şagirdi döyən məktəb direktoru barəsində cinayət işi başlanılıb.
Hadisə Qızılhacılı kəndində yerləşən 1 nömrəli orta məktəbdə qeydə alınıb.
Məlumata görə, həmin məktəbin direktoru, 60 yaşlı Məlahət Abbasova (şərti ad) müəllimlər otağında 10-cu sinif şagirdini fiziki zorakılığa məruz qoyub. Hadisəyə səbəb şagirdin məktəbdən kənarda digər yeniyetmələrlə dava etməsi olub.
Bildirilir ki, direktor əvvəlcə şagirdi müəllimlər otağında insanların çox olduğu bir vaxtda danlayıb. Daha sonra isə ətrafdakı şəxslərə məhəl qoymadan şagirdi nalayiq ifadələrlə təhqir edib, onun qol və boyun nahiyələrinə zərbələr endirib. Nəticədə, məktəbli müxtəlif dərəcəli bədən xəsarətləri alıb.
Faktla bağlı Məlahət Abbasova barəsində cinayət işi açılıb. Məhkəmə prosesində direktor "Konstitusiya və Suverenlik İli" çərçivəsində barəsində amnistiya aktının tətbiq olunmasını xahiş edib. Goranboy Rayon Məhkəməsinin qərarı ilə Məlahət Abbasova barəsində aparılan cinayət təqibinə xitam verilib və o, cinayət məsuliyyətindən azad olunub.
#Goranboy teqi istifadə olunub
- Goranboyda bədbəxt hadisə | Yeniyetmə elektrik cərəyanının qurbanı oldu - Baku TV
- Bayram qonaqlığının faciəvi sonu | "Bir hadisə olub, belə şeyi heç biri istəməzdi..." - Baku TV
- Bayram süfrəsində mübahisə | Dostlardan biri xəstəxanalıq oldu - Baku TV
- 2 uşaq anasının faciəvi ölümü | "Süst halda idi, gördük ki, oturduğu yerdə..." - Baku TV
- "Kömək edin, qalmışıq burada!" - Dəhşətli vəziyyət | İnsanlar görün hansı şəraitdə yaşayır - Baku TV
