Güclü sel Lahıca ciddi ziyan vurub

İyunun 6-sı axşam saatlarında yağan aramsız leysan yağışlar İsmayıllıda bir sıra fəsadlara səbəb olub.

Güclü sel Lahıc qəsəbəsinə ciddi ziyan vurub. Lahıc-Gəndov yolunu sel aparıb. Nəticədə Lahıc və ətraf kəndlər – Əhən, Müdri, Müdrisə, Həftəsov, Burovdal da daxil olmaqla, təqribən 12 kəndlə əlaqə kəsilib.

Qəsəbənin qaz və elektirik təsərrüfatına ziyan dəyib. Sel qaz xətlərini sıradan çıxarıb, elektrik dirəkləri aşıb. Kəndə təbii yanacaq və elektrik enerjisinin verilişi dayandırılıb.

Baş vermiş təbiət hadisəsi ilə bağlı əraziyə İsmayıllı Rayon İcra Hakimiyyətinin başçısının Lahıc qəsəbəsi üzrə nümayəndəsi cəlb olunub. Selin vurduğu zərər hesablanır.