Hamımız xəsarət aldıq | Qubada ağır qəzaya düşənlər hadisə anını danışdı

Qubada ağır yol nəqliyyat hadisəsi baş verib. Hadisə rayonunun Hacıhüseynli kəndi ərazisində qeydə alınıb.

Fəhlələri işə aparan "Mercedes" markalı sərnişin avtobusu hərəkətdə olarkən qarşıdan gələn "Chevrolet" markalı minik maşını ilə toqquşub. Qəza zamanı avtomobillərdə olan 15 nəfər müxtəlif dərəcəli bədən xasarətləri alıb.

Yaralılar Quba Rayon Mərkəzi Xəstəxanasının Təcili Tibbi Yardım bölməsinə yerləşdirilib. Onlardan biri, ağır bədən xəsarətləri alan 67 yaşlı Əzimə Mirişova xəstəxanaya aparılarkən yolda dünyasını dəyişib.

Hazırda yaralıların müalicəsi tibb müəssisəsində davam etdirilir. Faktla bağlı araşdırma aparılır.