İranda zəlzələ: 3 nəfər ölüb

İranın Qərbi Azərbaycan vilayətinin Xoy şəhərində baş verən zəlzələdə 3 nəfər ölüb, 800-dən çox insan isə yaralanıb.

Bu barədə İran mediası məlumat yayıb. Bildirilib ki, şəhərə dəyən ziyanın qiymətləndirilməsi üçün əraziyə işçi qrupu cəlb edilib.

Qeyd edək ki, daha öncə Tibb Elmləri Universitetinin təcili tibbi yardım mərkəzinin rəisi Fərzin Rzazadə təbii fəlakət nəticəsində 3 nəfərin öldüyünü açıqlasa da, regionun qubernatoru onun bu açıqlamasını təkzib edib.