Kliniki Tibbi Mərkəzdən zəhərlənmələrlə bağlı açıqlama

2025-ci ilin sentyabr ayında Kliniki Tibbi Mərkəzin Toksikologiya şöbəsinə ümumilikdə 91 nəfər (81 nəfər ağır vəziyyətdə olmaqla) zəhərlənmə səbəbi ilə qəbul olunub.

Bu barədə Kliniki Tibbi Mərkəz məlumat yayıb.

Bildirilib ki, onlardan 35-i dərman preparatlarından, 27-si sirkə turşusundan, 2-si spirtli içkilərdən, 8-i ilan sancmasından, 7-si allergik reaksiyadan, 2-si yandırıcı məhlullardan, 1-i həlledici maddədən, 6-sı fosfor üzvi birləşmələrdən, 2-si anafilaktik şokdan, 1-i isə inhalyasion zəhərlənmə səbəbi ilə müalicəyə cəlb olunub.

"Pasiyentlərin hər birinə tibb personalı tərəfindən intensiv müalicə tədbirləri tətbiq edilib. Düzgün müalicə taktikaları nəticəsində 88 nəfər sağalaraq qənaətbəxş vəziyyətdə ambulator müalicə üçün evə yazılıb.

Bununla belə, aparılan intensiv tədbirlərə baxmayaraq, 3 nəfərin (2 kişi, 1 qadın) həyatını xilas etmək mümkün olmayıb. Ölüm hallarının əsas səbəbi sirkə turşusu və dərman preparatları ilə ağır zəhərlənmə olub", ‒ məlumatda qeyd edilib.