Külək ağacları yerindən qopardı, təhlükə yarandı | Qurum hərəkətə keçdi

Ötən gündən başlayaraq əsən güclü külək nəticəsində Qəbələdə 2 ünvanda irigövdəli ağac aşıb.

Fövqəladə Hallar Nazirliyindən verilən məlumata görə, hadisələrdən biri Bakı-Qəbələ magistral avtomobil yolunun rayonunun Vəndam qəsəbəsi ərazisindən keçən hissəsində qeydə alınıb.

Aşan irigövdəli ağacın magistral yolu bağlaması səbəbindən qurumun Şimal-qərb Regional Mərkəzinin xilasediciləri çağırış ünvanına cəlb olunub, sərbəst hərəkətin bərpası təmin edilib.

Bundan başqa, mərkəzin xilasediciləri tərəfindən Qəbələ şəhəri, İsmayılbəy Qutqaşınlı küçəsində vətəndaşa məxsus fərdi yaşayış evinin üzərinə aşan ağac hissələrə kəsilərək götürülüb və yaranan təhlükə aradan qaldırılıb.