Hadisə
Pleyeri seçin:
Kürdəmirdə dəhşətə gətirən hücum | DİN-dən hadisə barədə açıqlama
Kürdəmirdə silahlı insident baş verib.
Həmkəndlilər arasında yaranan mübahisə güllələnmə ilə nəticələnib. Hadisə rayonun Carlı kəndində baş verib.
Belə ki, aralarında yaranan mübahisə zəminində kənd sakini, 36 yaşlı Xalid Abdullayev həmkəndlisi, 38 yaşlı Rüstəm Məmmədova ov tüfəngi ilə atəş açaraq ona ağır bədən xəsarətləri yetirib.
Yaralı xəstəxanaya çatdırılıb. Hazırda müalicəsi stasionar şəraitdə davam etdirilir. Vəziyyəti orta-ağır olaraq qiymətləndirilir.
Daxili İşlər Nazirliyindən bildirilib ki, hadisədən sonra Xalid Abdullayev polis əməkdaşları tərəfindən saxlanılıb. Ondan bir ədəd müvafiq sənədləri olmayan “TOZ” markalı ov tüfəngi götürülüb. Araşdırmalar davam etdirilir.
Kopyalandı
Seçilmişlər
