Laçında həlak olan 4 hərbçimizlə bağlı Hərbi Prokurorluqdan açıqlama
Laçın rayonu ərazisində Azərbaycan Ordusunun 4 nəfər hərbi qulluqçusunun – Emnalıyev Asif Qəhrəman oğlu, Səmədov Tural Maşallah oğlu, Şahmarlı Emin Oqtay oğlu və Cəbrayılov Fərid Famil oğlunun meyitlərinin aşkar edilməsi barədə Qubadlı hərbi prokurorluğuna məlumat daxil olub.
Bu barədə hərbi prokurorun böyük köməkçisi Hərbi Prokurorluğun Mətbuat xidmətinin rəhbəri, baş ədliyyə müşaviri Firad Əliyev məlumat verib.
Bildirilib ki, daxil olmuş məlumat əsasında Qubadlı hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları idarəsinin əməkdaşları tərəfindən hadisə yerinə və meyitlərə baxış keçirilib, iş üçün əhəmiyyət kəsb edən predmetlər maddi sübut kimi götürülüb, müvafiq ekspertizalar təyin edilərək, icraya yönəldilib, eləcə də izahatlar alınıb və digər hərəkətlər icra edilib:
“Hazırda Qubadlı hərbi prokurorluğunda araşdırma davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaq”.
#Azərbaycan Ordusu teqi istifadə olunub
- 5.1 milyard dollarlıq müdafiə büdcəsi: Ordumuzun real döyüş gücü nə qədərdir? | HƏRBİ XRONİKA
- Azərbaycan Ordusunun arsenalı yeni silahlarla zənginləşdiriləcək - Baku TV
- Azadlıq meydanından Azərbaycanın provokatorlara verdiyi mesaj
- “Sağ olub-olmaması barədə heç nə demədilər” | Topçu qardaşların döyüş hekayəsi
- Paradda nümayiş olunan hərbi texnikalarımız | Ekspert onların xüsusiyyətlərindən danışdı
