Lənkəranda körpünün altından kişi meyiti tapılıb

Lənkəranda iki gündür itkin düşən kişinin meyiti tapılıb. Hadisə rayonun Osaküçə kəndində baş verib.

Ailə üzvləri Arzu Mirzəyev barəsində məlumat ala bilməyiblər. Onlar bununla əlaqədar polis şöbəsinə müraciət ediblər.

Axtarışlar zamanı onun meyiti yaxınları tərəfindən fevralın 2-də kənddəki körpünün altında aşkarlanıb. Həyatını itirən şəxsin çay kənarında gəzərkən ayağının sürüşdüyü və suya düşdüyü ehtimal edilir.

Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Lənkəran Şöbəsinə təhvil verilib.

Qeyd edək ki, həyatını itirən Arzu Mirzəyev Osaküçə kənd ərazi icra nümayəndəsinin qardaşıdır.

Faktla bağlı araşdırma aparılır.