Lerikdə kütləvi zəhərlənmə | 11 nəfər zəhərləndi

Lerikə istirahətə gələn 11 nəfər zəhərlənib.

Bakı sakinləri olan şəxslərin 6-sı azyaşlı olmaqla 3 ailənin üzvləri olduğu bildirilib.

Zərərçəkənlər Lənkəran Rayon Mərkəzi Xəstəxanasına yerləşdirilib. Onlara zəruri ilkin tibbi xidmətlər göstərilib. Vəziyyətlərinə uyğun olaraq ambulator müalicə üçün evə buraxılıblar.

Azərbaycan Qida Təhlükəsizliyi Agentliyinin açıqlamasında qeyd olunub ki, zəhərlənmənin sanitar-gigiyenik norma və tələblər gözlənilmədən istehsal olunan qidadan baş verdiyi ehtimal olunur. Agentliyin mütəxəssisləri tərəfindən müvafiq qurumlar tərəfindən araşdırmalar davam etdirilir.