Masallıda 3 maşın toqquşdu

Masallıda zəncirvari qəza baş verib.

Yol-nəqliyyat hadisəsi rayonun Boradigah qəsəbəsində qeydə alınıb. Hadisə nəticəsində 4 nəfər xəsarət alıb.

Belə ki, 48 yaşlı Şahhüseyn Nurullayevin idarə etdiyi “Hyundai” markalı avtomobil hərəkətdə olarkən, 34 yaşlı Ramal Sadıqovun və 64 yaşlı Həsən Nəzərovun idarə etdiyi minik avtomobilləri ilə toqquşub.

Masallı Rayon Mərkəzi Xəstəxanasından verilən məlumata görə, qəza zamanı xəsarət alan 4 nəfər xəstəxanaya yerləşdirilib. Onlardan Bəhruz Nurullayev və Mətləb İsmayılovun vəziyyəti orta ağır kimi qiymətləndirilir.

Hazırda yaralıların müalicələri xəstəxanada davam etdirilir.

Faktla bağlı Masallı Rayon Polis Şöbəsində araşdırma aparılır.