Məktəbdə şok hadisə: “Müəllim qıza təpik də atdı, dedilər ki, arxası bərkdir...”

Babək rayonunun Cəhri qəsəbə 1 nömrəli tam orta məktəbinin 9-cu sinif şagirdi Zəhra Fərəcova iddia edir ki, təhsil müəssisəsində xoşagəlməz hadisə ilə üzləşib.

Şagirdin sözlərinə görə, Təsviri incəsənət fənnini tədris edən Etibar adlı müəllim ona və digər sinif yoldaşına şiddət tətbiq edib:

“Müəllim əvvəl oğlanları dərsə çıxartdı, onlar danışa bilmədi. Sonra məni çağırdı, mən dərsi yavaş-yavaş danışırdım. Birdən oğlanın kəmərini çıxarıb yanımdakı türk qızla məni bağladı. Dərsdən sonra bizi açıb buraxdı. Hamı ondan çox qorxur. Qızlara təpik vurur, təhqiramiz ifadələr işlədir. Müəllimə dedim ki, sizi Təhsil Nazirliyinə şikayət edəcəyəm. Cavab verdi ki, kimə istəyirsən, şikayət et. Uşaqlar da dedilər ki, onun arxası bərkdir, heç kim ona heç nə edə bilməz”.

Məsələ ilə bağlı Babək Rayon Təhsil Şöbəsindən bildirilib ki, məktəbdə baş verən hadisə ilə əlaqədar araşdırmalara başlanılıb.