Mən dedim ki, bir az sağa çıx... | Sürücü avtobusu niyə nəzarətçinin üstünə sürdü?
Sumqayıtın Saray qəsəbəsində küçədə yeni asfalt örtüyünün çəkilməsi ilə əlaqədar həmin əraziyə nəqliyyat vasitələrinin girişi müvəqqəti olaraq məhdudlaşdırılıb.
Bu səbəbdən yol nəzarətçisi sürücüləri geri qaytararaq alternativ istiqamətlərə yönləndirir. Lakin “Hyundai” markalı avtobusun sürücüsü tətbiq edilən qaydalara məhəl qoymayıb. Halbuki əraziyə girişin müvəqqəti məhdudlaşdırılması barədə sürücülərə əvvəlcədən xəbərdarlıq edilib.
Hadisə şahidinin sözlərinə görə, sürücü yol nəzarətçisinin “dayan, gözlə” çağırışlarına məhəl qoymayaraq “tələsirəm” deyib hərəkəti davam etdirib.
Zərərçəkən isə baş verənləri belə izah edib:
“Mən dedim ki, sağa çıx, irəlidə asfalt çəkilir. Amma o razılaşmadı, “keçəcəyəm” deyib üstümə sürdü. Mən də müqavimət göstərmək üçün avtobusun qarşısını kəsdim”.
Məsələ ilə bağlı Daxili İşlər Nazirliyindən bildirilib ki, sosial şəbəkələrdə Abşeron rayonunun Saray qəsəbəsində avtobus sürücüsünün ictimai qaydanı kobud şəkildə pozması ilə bağlı yayılan görüntülər polis əməkdaşları tərəfindən araşdırılır. Hazırda sürücünün müəyyən olunaraq məsuliyyətə cəlb olunması istiqamətində tədbirlər görülür. Araşdırmanın nəticəsindən asılı olaraq əmələ hüquqi qiymət veriləcək.
#Sumqayıt teqi istifadə olunub
- "Allah bilir, nəyin üstündə tikilib" | Evlər niyə bu hala düşdü? - "Hamısı çatlayıb" - Baku TV
- Bağçada uşaqlara keyfiyyətsiz qidalar verilir? | Valideynlərin iddiası doğrudur? - Baku TV
- “Bu, Bakıda istifadə olunan suyun təxminən 25 faizidir” | ADSEA sədri - Baku TV
- Sumqayıtda kioskun içində kişi meyiti aşkarlandı - Baku TV
- Sumqayıtda yaşayış yerində yanğın baş verib | 3 ailəyə ciddi ziyan dəyib - Baku TV
