Mingəçevirdə güclü külək hasarı aşırdı

Yağışla müşayət olunan güclü külək Mingəçevirdə fəsadlara yol açıb.

Şəhərin Heydər Əliyev prospektində və digər küçələrdə avtomobillərin hərəkətini çətinləşdirib. Güclü yağışdan sonra yaranan sel Günəşli bağlar massivində fəsadlar törədib. Suvarma kanalından axıb gələn yağış suları yaşayış massivində evlərin həyətlərinə dolub.

Güclü külək Sahil küçəsində dəmir hasarı da aşıraraq avtomobil yolunu bağlayıb. Əksər istiqamətlərdə elektrik verilişinin ötürülməsində fasilələr yaranıb.

Hazırda bölgədə yağışlı hava şəraiti davam edir.