Mingəçevirdə kütləvi dava | Xəsarət alanlar var

Mingəçevirdə 4 nəfər bıçaqlanıb. Hadisə şəhərin Müslüm Maqomayev prospektində qeydə alınıb.

Ev alqı-satqısı ilə məşğul olan Canpolad Qarayev, onun iki oğlu Elvin və İbrahim şəhər sakini Elvin Abdullayevlə mübahisə edib. Mübahisə sonradan əlbəyaxa davaya çevrilib. Nəticədə ata, iki oğlu, eləcə də onlarla mübahisə edən şəxs müxtəlif dərəcəli xəsarətlər alaraq Mingəçevir Şəhər Mərkəzi Xəstəxanasına çatdırılıb.

Daxili İşlər Nazirliyindən bildirilib ki, dörd nəfərin xəsarət alması ilə nəticələnən mübahisə ilə bağlı polisə məlumat daxil olub. Xəsarətlərlə bağlı müvafiq ekspertiza təyin olunub. Hazırda faktla bağlı araşdırmalar davam etdirilir.