Naxçıvanda 6 nəfərin öldüyü dəhşətli qəzanın təfərrüatı

Naxçıvan Sədərək magistralının Kəngərli rayonunun Böyükdüz və Yeni Kərki kəndlərindən keçən hissəsində dəhşətli yol-qəza hadisəsi baş verib.

“Hyunda” markalı avtomobillə “Volkswagen” markalı avtomobilin toqquşması nəticəsində biri uşaq olmaqla 6 nəfər ölüb, 5 nəfərin vəziyyəti isə ağırdır.

Hadisə yerinə hüquq-mühafizə orqanları və Naxçıvan Muxtar Respublikası Fövqəladə Hallar Nazirliyinin əməkdaşları cəlb edilib. Hər iki avtomobildə olanların toy məclislərindən gəldiyi bildirilir. Faktla bağlı araşdırma aparılır.