Nəvəsi komada olan nənə ölümü seçdi | Dedi, ölümünü görsəm, ürəyim partlayar…

31 yanvar 2025 363 baxış

Mingəçevirdə ailə faciəsi yaşanıb.

Maşın vuran yeniyetmənin nənəsi, 64 yaşlı Lalaxanım Rzayeva canına qəsd edib.

Mərhumun qohumu Samir Məmmədovun sözlərinə görə, Lalaxanım Rzayeva həyatına son qoymazdan əvvəl nəvəsinin ölümünə dözə bilməyəcəyini deyib:

“Sözün bitdiyi andır. Nəvəsi ilə nəfəs alırdı. Dərdə dözmədi. “Nəvəmin ölümünü görə bilmərəm. Görsəm, ürəyim partlayar” deyirdi. Sonra da dərman içərək canına qəsd etdi”.

Mərhumun qohumu Elman Şahverdiyev bildirib ki, Lalaxanım Rzayeva komada olan nəvəsinin durumunun ağır olduğunu öyrəndikdən sonra həyatına son qoymaq qərarına gəlib:

“Dedilər ki, uşağın vəziyyəti ağırdır, geriyə dönüş yoxdur. Bunu eşidəndə söylədi ki, nəvəmi o biri dünyada qarşılayacağam”.

Qeyd edək ki, 15 yaşlı Amin Rzayev yanvarın 23-də məktəbdən qayıdan zaman onu maşın vurub. Yeniyetmə yanvarın 30-da Mingəçevir Şəhər Xəstəxanasında dünyasını dəyişib. O, komada olan zaman nənəsi yanvarın 28-də sirkə içərək canına qəsd edib.

#Mingəçevir