Özünü təhlükəyə atdı, faciənin qarşısını aldı | Yanacaqdoldurma məntəqəsində qorxulu anlar - Baku TV

Avqustun 25-də Yevlax şəhəri ərazisində yerləşən yanacaqdoldurma məntəqələrindən birində avtomobil yanıb.

Hadisə zamanı şəhər sakini Cavid Atakişiyev öz həyatını təhlükəyə ataraq özünə məxsus avtomobillə alovlanan maşını geriyə itələyib və onu yanacaqdoldurma məntəqəsindən uzaqlaşdırıb. Bununla da daha böyük təhlükənin və mümkün partlayışın qarşısının alınmasına kömək edib.

Cavid Atakişiyev hadisə anını belə xatırlayıb:

“Maşını çəkdim qırağa. Burada bizim bir qohum var, onunla oturub çay içirdik. Bu zaman partlayış baş verdi. Çevrilib gördüm ki, maşını alov tutub. Alovdan avtomobilə yaxın durmaq mümkün deyildi. Onda ağlıma gəldi ki, bunu yalnız öz maşınımın arxasından vurub çıxara bilərəm ki, yanacaqdoldurma məntəqəsinə çox zərər dəyməsin. Anidən qərar verdim və bu addımı atdım. Həm böyük zərərin qarşısını almaq, həm də burada çox sayda insan olduğu üçün onları düşünərək belə etdim”.