Qatarda təhlükəli vəziyyət | "Bakı Metropoliteni"ndən açıqlama

“Dərnəgül-Həzi Aslanov” marşrutu üzrə hərəkət edən qatarın bir vaqonunun qapılarında sərnişin müdaxiləsi nəticəsində nasazlıq yaranıb. Bu barədə “Bakı Metropoliteni” QSC-dən məlumat verilib.

Bildirilib ki, “28 May” stansiyasında maşinist vaqon qapılarına baxış keçirib və qatarın sərnişinlər düşürülməklə xətdən çıxarılması zərurəti yaranıb. Nəticədə qatar stansiyanı sərnişinsiz olmaqla, altı dəqiqə yubanma ilə tərk edib. Əks istiqamətdən xəttə ehtiyat qatar verilib.