Qaxda yağış və dolu yağdı | Kənd sakinləri Baku TV-yə danışdı

Mayın 18-nə keçən gecə ölkənin şimal-qərb bölgəsinə yağan leysan sakinlərə ziyan vurub.

Yağıntının miqdarı Qax rayonu ərazisində daha çox olub. Rayonun Tasmalı, Lələpaşa, Əlibəyli, Turaclı, Ləkit və Zəyəm kəndlərində isə dolu düşüb.

“Gecə yağan güclü leysan, dolu bütün kənd camaatına ziyan vurub. Hazırda 5 ev su içindədədir. Son illərdə bu cür yağıntı olmayıb, ilk dəfədir belə hadisə görürəm”, – kənd sakini söyləyib.

Qeyd edək ki, bölgədə may ayının əvvəlindən müşahidə olunan qeyri-sabit hava şəraiti hələ də davam edir.