Pleyeri seçin:
Qazaxıstan təyyarəsi Heydər Əliyev Beynəlxalq Aeroportuna məcburi eniş etdi
Xəbərlərimizi Google-da izləyin
Yeniliklərdən dərhal xəbərdar olun
Qazaxıstan aviaşirkətinə məxsus təyyarə Heydər Əliyev Beynəlxalq Aeroportuna məcburi eniş edib.
Bu barədə Hava Limanının mətbuat xidmətindən bildirilib.
Qeyd olunub ki, “Air Astana” aviaşirkətinin Tbilisi–Almatı marşrutu üzrə uçuş yerinə yetirən Airbus “A321” tipli hava gəmisinin kapitanı Heydər Əliyev Beynəlxalq Aeroportuna məcburi eniş üçün sorğu göndərib. Buna səbəb göyərtədə olan sərnişinlərdən birinin səhhətinin kəskin pisləşməsi olub.
Müraciətdən dərhal sonra böhran idarəetmə komandası səfərbər edilib, yerüstü xidmətlər operativ şəkildə koordinasiya olunub və bütün təhlükəsizlik tədbirləri görülüb. Təyyarənin uğurla eniş etdiyi açıqlanıb.
“Sərnişinə dərhal tibbi yardım göstərilib və o, daha ətraflı müayinə üçün təcili yardım briqadasına təhvil verilərək şəhər xəstəxanalarından birinə çatdırılıb”, ‒ deyə Hava Limanından bildirilib.
“Air Astana” aviaşirkətinin qərarı ilə reysin təyinat nöqtəsinə yola salınması təxirə salınıb, digər sərnişinlər isə hotelə yerləşdirilib.
Kopyalandı
#Heydər Əliyev Beynəlxalq Aeroportu teqi istifadə olunub
Seçilmişlər
