Qobustanda dəhşətli qətl hadisəsi baş verdi

Qobustanda kişi arvadını öldürüb, sonra özünə xəsarət yetirib.

Bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, martın 2-də saat 11:30-da Qobustan rayonunda 1982-ci il təvəllüdlü Günel Tahir qızı Sadıqovanın kəsilmiş-deşilmiş xəsarətlərdən ölməsi barədə polisə məlumat daxil olub.

Cinayət əməlini törətməkdə şübhəli bilinən 1973-cü il təvəllüdlü Mürsəl Cabbarov saxlanılaraq istintaqa təhvil verilib.

Faktla bağlı Qobustan rayon prokurorluğunda cinayət işi başlanılaraq araşdırmalar aparılır.