"2 azyaşlı uşağı var idi... " | Goranboyda 30 yaşlı kişinin faciəvi sonu

Goranboyda 30 yaşlı kişi dünyasını dəyişib. Hadisə rayonun Qaradağlı kəndində baş verib.

Kənd sakini Yavər İbrahimov səhhətində narahatlıq yarandığından Goranboy Rayon Mərkəzi Xəstəxanasına çatdırılıb.

“Səhər-səhər eşitdik ki, Yavər gecə dünyasını dəyişib. Dedilər, qidadan zəhərlənib. Ailəli idi, 5 yaşında bir oğlu və 3-4 aylıq bir qızı var”, – mərhumun qonşusu deyib.

Baş verən hadisə ilə bağlı TƏBİB-dən bildirilib ki, 12 iyun tarixində 1995-ci il təvəllüdlü (kişi cinsli) şəxs zəhərlənmə şübhəsi ilə Goranboy Rayon Mərkəzi Xəstəxanasına hospitalizasiya olunub. Ona digər dəqiqləşdirilməmiş dərman zəhərlənməsi diaqnozu təyin edilib. Göstərilən tibbi yardımlara baxmayaraq, pasiyentin ölüm faktı qeydə alınıb.

İddialara görə, Yavər İbrahimov mal-qaranın dezinfeksiyasında istifadə olunan kimyəvi maddədən zəhərlənib. Belə ki, azyaşlı uşaq dərmanı pivə bakalına töküb, Yavər isə bilmədən onu içib.

Faktla bağlı araşdırma aparılır.