Pleyeri seçin:
"Aristokrat" klinikası barədə sensasiya | Səhiyyə Nazirliyi təcili hərəkətə keçdi - Baku TV
Bir neçə gün öncə Baku TV “Aristokrat” klinikasında sertifikatsız işləyən stomatoloqlarla bağlı çəkiliş etmişdi.
Efirə yayımlanan süjetdən dərhal sonra Səhiyyə Nazirliyinin Analitik Ekspertiza Mərkəzi sözügedən özəl tibb müəssisəsində 2 dekabr 2025-ci il tarixində plandankənar yoxlama keçirib.
Qurumdan Baku TV-yə bildirilib ki, xidməti yoxlama zamanı aşkar edilmiş nöqsanlar rəsmiləşdirilmiş, hüquqi və fiziki şəxslərin barəsində inzibati tənbeh tədbiri seçilərək sertifikasiya şəhadətnaməsi olmayan şəxslərin praktik tibb fəaliyyətinə buraxılmasına görə “Aristokrat” Tibb Mərkəzi MMC və Araz Məmmədzadə barəsində İnzibati Xətalar Məcəlləsinin 215.4 və 215.1-ci – sertifikasiya şəhadətnaməsi olmadan stomatoloji praktik tibb fəaliyyəti ilə məşğul olma maddələri ilə inzibati xəta haqqında protokol tərtib edilib.
Tərtib olunmuş protokollar yoxlama materialları ilə birlikdə növbəti icraata göndərilib.
Kopyalandı
#Aristokrat Tibb Mərkəzi teqi istifadə olunub
Seçilmişlər
