"Bilmədim necə oldu" | Hacıqabulda ağır qəza: "Gördüm ki, idarə edə bilmirəm" - Baku TV

Hacıqabulda 28 nəfərin xəsarət aldığı ağır yol-nəqliyyat hadisəsinin şahidləri Baku TV-yə danışıblar.

“Zaqataladan Bakı istiqamətinə gedirdik. Birdən səs eşitdik, avtobusun nəyəsə dəydiyini hiss etdik. Sonra gördük ki, aşırıq. Yalnız onu xatırlayıram ki, avtobusun içində diyirlənirdik. Allaha şükür, ölən yoxdur. Bacardığımız qədər yaralılara kömək etdik və onları avtobusdan çıxardıq”, – deyə zərərçəkənlərdən biri bildirib.

Avtobusun sürücüsü isə hadisənin necə baş verdiyini belə izah edib:

“Restorandan çıxıb yola davam edirdim. Gün təzə-təzə işıqlanırdı. Günəş gözümə düşdü və hadisənin necə baş verdiyini anlamadım. Bəlkə, yorğunluqdan, bəlkə də, başqa səbəbdən idi. Birdən gördüm ki, avtomobili idarə edə bilmirəm və yoldan çıxıram. Avtobus 51 yerlikdir, lakin tam dolu deyildi. Təxminən 30-35 sərnişin var idi. Hadisədən öncə hər şey normal idi. Evdən çıxmazdan əvvəl yatıb dincəlmişdim”.