"Kürd Elnur"a hökm oxundu | DİN-dən təcili məlumat

Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi əməkdaşlarının keçirdiyi tədbirlər nəticəsində kriminal aləmdə “Kürd Elnur” ləqəbi ilə tanınan Elnur Abbasov saxlanılıb.

Külli miqdarda narkotik vasitələrin dövriyyəsinə görə şübhəli bilinən Elnur Abbasov barəsində Nərimanov Rayon Məhkəməsində həbs qətimkan tədbiri seçilib.

Qeyd edək ki, Cinayət Məcəlləsinin müxtəlif maddələri ilə bir neçə dəfə məhkum olunan Elnur Abbasov dünyasını dəyişən “qanuni oğru” Rövşən Lənkəranskinin yaxın tərəfdarlarından biri kimi tanınıb. Onun barəsində sonuncu dəfə 2020-ci ildə açılan cinayət işi ilə bağlı Bakı Ağır Cinayətlər Məhkəməsində hakim Faiq Qəniyevin sədrliyi ilə keçirilən prossesdə məhkəmə istintaqı aparılıb.

Elnur Abbasov qanunsuz silah saxlama və külli miqdarda narkotik maddə gəzdirmə maddəsi ilə ittiham olunsa da, məhkəmə prosesləri zamanı onun təqsiri sübuta yetirilmədiyindən barəsində azadlıqdan məhrumetmə cəzası seçilməməsi məqsədəmüvafiq hesab edilib.