Pleyeri seçin:
"Yango"ya güvəndim, 1000 manatlıq məhsulum oğurlandı" | Kuryer: "Mən ona yalvarıram ki..." - Baku TV
Xəbərlərimizi Google-da izləyin
Yeniliklərdən dərhal xəbərdar olun
Baku TV-nin qaynar xəttinə müraciət edən Əbdülhəmid Xəlilov “Yango” çatdırılma xidməti vasitəsilə dəyəri 1000 manatdan artıq olan məhsulun kuryer tərəfindən oğurlandığını iddia edir.
Zərərçəkmişin sözlərinə görə, kuryer bağlamanı mağazadan götürdükdən sonra yoxa çıxıb:
“13 aprel saat 15:41 radələrində “Yango” tətbiqi vasitəsilə Sumqayıtdan kuryer sifariş etdim. Bağlamanın dəyəri 1000 manatdan yuxarı idi, içərisində “PlayStation 5” var idi. “Yango”nun ofisinə müraciət etdim, mənə bildirdilər ki, belə dəyərli məhsulu motosiklet kuryeri ilə göndərməməli idim və problemi kuryerlə özüm həll etməliyəm. Mən “Yango”ya güvənərək məhsulumu təhvil vermişdim. Kuryer isə sonradan dedi ki, bağlama ondan da oğurlanıb”.
Kuryer dəymiş ziyanı hissə-hissə ödəməyə hazır olduğunu bildirib:
“Müştəri ilə danışmışam. Deyir ki, 810 manat xərci çıxıb, məhsulu isə 1000 manata satacaqdı. Mən də məsuliyyəti üzərimə götürərək ziyanı ödəməyə hazır olduğumu bildirmişəm. Hər gün ondan kart nömrəsi istəyirəm ki, pulu köçürüm”.
Qeyd edək ki, vətəndaşın müraciəti əsasında hadisə ilə bağlı ərazi üzrə polis orqanında araşdırma aparılır.
Kopyalandı
Seçilmişlər
