Qusarda Samur-Abşeron kanalı can aldı

Qusarın Caqarqışlaq kəndində 16 yaşlı Nizam Rəhimxanov yaşayış məntəqəsinin yaxınlığından keçən Samur-Abşeron kanalında çimmək istəyib. Lakin o, suda batıb.

Yeniyetmənin qohumu Bəxtiyar Sadirov hadisə ilə bağlı Baku TV-yə danışıb.

“Çimməyə qohumu ilə gedib. İkisi də üzməyi tam bilmirdi. O biri uşaq çıxa bilib, Nizamın boğulduğunu görəndə isə qışqırıb kömək istəyib. Bir nəfər səsi eşidib gələndə görüb ki, uşaq artıq batıb”, – o bildirib.

Qeyd edək ki, Fövqəladə Hallar Nazirliyinin dalğıc-xilasediciləri axtarışları davam etdirir.