Rəfiqələrin içki məclisi qanla bitdi | Bıçaqlanan şəxs yaşadığı dəhşəti danışdı
Paytaxtda bıçaqlanma hadisəsi baş verib.
Hadisə Xəzər rayonunun Mərdəkan qəsəbəsindəki bağ evlərindən birində qeydə alınıb.
Belə ki, Lalə Vəliyevə qeyri-rəsmi münasibətdə olduğu Valeh Məmmədovla rəfiqəsi Zəminə Babayevanın evinə qonaq gəlib. İçki məclisindən sonra aralarında düşən mübahisə zamanı Zəminə Babayeva əvvəlcə rəfiqəsi Lalə Vəliyevanı, daha sonra isə onun sevgilisi Valeh Məmmədovu bıçaqlayıb.
Zərərçəkən Valeh Məmmədov hadisənin təfərrüatı haqda Baku TV-yə danışıb:
“Gördüm, gəlir üstümə. Dedim, ay Zəminə xanım, nə olub? Sonra bıçağı üstümə atdı. İkinci dəfə üstümə atanda qoluma dəydi. 67 yaşım var, boksla məşğul olmuşam. Vurduğum adam ayağa dura bilməz. Xanım olduğuna görə itələdim, heç nə etmədim”.
Daxili İşlər Nazirliyindən bildirilib ki, Mərdəkan qəsəbəsində bıçaqlanma hadisəsini törətməkdə şübhəli bilinən, əvvəllər qəsdən adam öldürmə cinayətinə görə məhkum olunmuş 1973-cü il təvəllüdlü Zəminə Babayeva polis əməkdaşları tərəfindən həyata keçirilən tədbirlər zamanı saxlanılıb. Araşdırmalar davam etdirilir.
#Mərdəkan qəsəbəsi teqi istifadə olunub
- Xəzərdə qandonduran hadisə | Dənizdə batan 4 dostla bağlı təcili məlumat - Baku TV
- Mərdəkanda qalmaqal yaradan görüntülər yayıldı | Araşdırma nələri üzə çıxardı? - Baku TV
- Sakinlərin bir işini iki edən problem | Qurum hansı açıqlamanı verdi?
- Bakıda kilid altındakı tarixi məkan | "Qala içində qala"nın sirri
- Qonşular çoxlu it saxlayan sakinlə mübahisə etdi | Bizi təhdid edir ki...
