Sərnişinlər narkoman sürücünün əməlindən şikayətlənmək əvəzinə görün nə etdilər - Baku TV

Narkotik vasitənin təsiri altında avtoxuliqanlıq edən sürücü saxlanılıb.

Bu barədə Baş Dövlət Yol Polisi İdarəsi məlumat yayıb.

Bildirilib ki, Baş Dövlət Yol Polisi İdarəsinin Ekoloji Nəzarət Bölüyünün əməkdaşları tərəfindən həyata keçirilən tədbirlərlə nəqliyyat vasitəsini idarə edən Elgün Əhmədov ictimai qaydanı kobud şəkildə pozaraq avtoxuliqanlıq etdiyinə görə saxlanılıb.

Araşdırma zamanı məlum olub ki, Elgün Əhmədov əhalinin dincliyini nümayişkaranə şəkildə pozan qanunsuz əməllərini narkotik vasitənin təsiri altında idarə etdiyi kirayə götürülmüş avtomobillə törədib.

Faktiki olaraq faciənin bir addımlığında olduqlarını nəzərə almayan sərnişinlər isə Elgün Əhmədovu hüquqazidd davranışlarından çəkindirmək əvəzinə baş verənləri videogörüntüyə almaqla onu daha da həvəsləndirməyə çalışıblar.

Elgün Əhmədov barəsində toplanmış materiallar məhkəməyə təqdim edilib və o, bir il müddətinə nəqliyyat vasitəsini idarə etmək hüququndan məhrum edilməklə biraylıq inzibati həbs olunub.