Sabirabadda dəhşətə gətirən qəza | Hadisə yerindən görüntülər

Sabirabadda baş verən yol qəzasında bir nəfər ölüb, 4 nəfər xəsarət alıb.

Hadisə Sabirabad rayonunun Güdəcühür kəndində qeydə alınıb.

Axtacı Muğan kəndinin sakini 25 yaşlı Mircavad Mirqədirlinin idarə etdiyi minik avtomobili Güdəcühür kəndinin 68 yaşlı sakini Rahim Əliyevin idarə etdiyi avtomobillə toqquşub. Nəticədə ikincinin sürücüsü Rahim Əliyev hadisə yerində ölüb.

1962-ci il təvəllüdlü və 2000-ci il təvəllüdlü şəxslərin (kişi cinsli) vəziyyətləri orta ağır, 1998-ci il təvəllüdlü (qadın cinsli) şəxsin vəziyyəti qənaətbəxş qiymətləndirilir, müalicələri davam etdirilir.

Tibb müəssisəsinə aqonal vəziyyətdə hospitalizasiya olunan 2020-ci il təvəllüdlü azyaşlıya (qadın cinsli) zəruri tibbi xidmət göstərilib və azyaşlı süni tənəffüs dəstəyilə təmin olunub.

Vəziyyəti ağır olaraq qiymətləndirilir.

Faktla bağlı araşdırma aparılır.