Hadisə
Pleyeri seçin:
Şabranda şagirdlərin davası faciə ilə bitdi | Təhsil idarəsindən açıqlama
Şabranda 1 nömrəli məktəbin şagirdləri arasında dava düşüb.
Quba-Xaçmaz Regional Təhsil İdarəsinin məlumatına görə, hadisə yanvarın 8-də baş verib.
Belə ki, Şabran şəhəri Tofiq Abbasov adına 1 nömrəli tam orta ümumtəhsil məktəbinin 10-cu sinif şagirdi məktəbdənkənar ərazidə 11-ci sinif şagirdinə qarşı aralarında yaranmış mübahisə zamanı xəsarət yetirib.
Xəsarət almış şagird tibb müəssisəsinə yerləşdirilib, hazırda müalicəsi davam etdirilir. Məktəblinin fiziki və psixoloji durumu məktəb rəhbərliyi və idarə tərəfindən izlənilir.
Qeyd olunanlarla yanaşı, stresin idarə olunması, sağlam psixoloji mühitin bərpasını təmin etmək üçün məktəb rəhbərliyinə şagirdlər və pedaqoji heyətlə maarifləndirici söhbətlərin aparılması tapşırılıb.
Sosial şəbəkələrdə yayılan məlumata görə, dava zamanı 10-cu sinif şagirdi 11-ci sinif şagirdinin gözünü çıxarıb və xəsarət alan yeniyetmə Bakıdakı xəstəxanaların birinə yerləşdirilib.
Kopyalandı
Seçilmişlər
