Pleyeri seçin:
Salyanda dəhşətli qəza | Ölənlər var
Salyanda baş verən dəhşətli qəzada 3 nəfər ölüb. Hadisə rayonun Parça Xələc kəndində qeydə alınıb.
Belə ki, Seydan kəndindən Gəncəli kəndi istiqamətində hərəkətdə olan “QAZ-31” markalı minik avtomobili yol kənarındakı su kollektoruna aşıb. Nəticədə avtomobildə olan üç nəfər – Gəncəli kənd sakinləri 54 yaşlı Sərraf Qafarov, 36 yaşlı Camal Dəmirov və 38 yaşlı Ramiq Həsənov hadisə yerində həyatını itirib.
Məlumata görə, dünyasını dəyişən şəxslər qohum olublar. Onlar günorta saatlarında birlikdə yemək yedikdən sonra sahəyə işləməyə gediblər. Hadisəni təsadüfən görən yaxın qohumlardan biri dərhal kömək məqsədilə su kanalına atılıb. Lakin avtomobilin içinə sürətlə dolan su səbəbindən heç birini xilas etmək mümkün olmayıb.
Faktla bağlı araşdırma aparılır.
Kopyalandı
#Salyan teqi istifadə olunub
Seçilmişlər
