Şəkidə qandonduran hadisə | Canavarın hücum etdiyi zərərçəkənlər hər şeyi danışdı

Şəkidə üç nəfərə canavar hücum edib. Hadisə rayonun Şorsu kəndində baş verib.

Kənd sakini Seymur İsayev övladını məktəbə apararkən canavarın hücumuna məruz qalıb. Bundan başqa, Cumakənd kənd sakinləri – 68 yaşlı Səfərəli Həsənov və 28 yaşlı Məhəmməd Məmmədov da yırtıcı heyvanın hücumuna məruz qalıblar.

Zərərçəkən Seymur İsayevin sözlərinə görə, övladını canavardan güclə xilas edib:

“Uşağa zərər dəymədi, amma canavar özümə xəsarət yetirdi”.

Şəki Rayon Mərkəzi Xəstəxanasından bildirilib ki, səhər saatlarında xəstəxananın Təcili və Təxirəsalınmaz Tibbi Yardım Şöbəsinə canavar dişləməsi səbəbi ilə üç nəfər kişi hospitalizasiya olunub:

“1956, 1987 və 1996-cı il təvəllüdlü şəxslərə zəruri tibbi yardımlar göstərilib, vəziyyətləri qənaətbəxşdir. Zərərçəkənlər ambulator müalicəyə buraxılıblar”.