“Söz-söhbət olurdu...” | Sabirabadda oğul 85 yaşlı anasını niyə qətlə yetirdi?

Sabirabadın Mürsəlli kəndində 85 yaşlı qadın döyülərək qətlə yetirilib. Onun oğlu tərəfindən öldürüldüyü bildirilir.

“Özünün dediyinə görə, axşam anasını döyüb. Sonra da bu barədə polisə və həkimə məlumat verib. Həyat yoldaşından boşanıb. Axır vaxtlar içkiyə qurşanmışdı, hərəkətlərini bilmirdi. İçib gələndə anası ilə arasında tez-tez söz-söhbət olurdu. Zəhmətkeş oğlan idi, təsərrüfatla məşğul olurdu. İçki onu yaman günə qoydu”, – mərhumun qohumu deyib.

TƏBİB-dən bildirilib ki, 1940-cı il təvəllüdlü şəxs iyulun 14-də Sabirabad Rayon Mərkəzi Xəstəxanasının Təcili tibbi yardım şöbəsinə aqonal vəziyyətdə hospitalizasiya olunub:

“Ona uzun sürən komatoz vəziyyətdə müşahidə olunan kəllədaxili travma, bədənin bir neçə nahiyəsini əhatə edən digər müştərək açıq yaralar diaqnozları təyin edilib. Aparılan reanimasiya tədbirlərinə baxmayaraq, pasiyentin ölüm faktı qeydə alınıb”.

53 yaşlı Ağamirzə Zeynalov şübhəli şəxs qismində saxlanılıb. Faktla bağlı Sabirabad Rayon Prokurorluğunda araşdırma aparılır.