Su anbarında batan şəxsin axtarışı davam edir

Mingəçevir su anbarında balıq tutmaq üçün qayıqla çıxaraq geri qayıtmayan şəxsin axtarışlarına başlanılıb.

Fövqəladə Hallar Nazirliyindən verilən məlumata görə, 1972-ci il təvəllüdlü Sərdar Bayramov balıq tutmaq üçün qayıqla çıxaraq geri qayıtmayıb.

Onun axtarışlarına Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb edilib. Bununla yanaşı, axtarış-xilasetmə zonasının genişləndirilməsi və daha da intensivləşdirilməsi məqsədilə oktyabrın 16-sı səhər saatlarından Nazirliyin Aviasiya dəstəsinin amfibiya təyyarəsi də işlərə cəlb olunub.