Sumqayıtda dəhşətli hadisənin detalları məlum oldu

Sumqayıtda 12 yaşlı qız faciəli şəkildə ölüb.

Hadisə şəhərin 1-ci mikrorayonunda yerləşən binaların birində qeydə alınıb.

Belə ki, 2012-ci il təvəllüdlü Zəhra İbrahimovanın üzərinə qapının şüşəsi düşüb. Azyaşlı qanaxmadan hadisə yerindəcə keçinib.

Qonşuların bildirdiyinə görə, azyaşlının atası iki gün öncə qızına velosiped alıb. Uşaq velosipedi evdə sürərkən qapıya dəyib və qapının şüşəsi onun üstünə düşüb.

12 yaşlı Zəhra İbrahimova və bacısı evdə nəzarətsiz şəkildə olublar. Azyaşlının bacısı qonşuya qaçıb kömək çağırmaq istəsə də, heç kimi tapmayıb. Zəhra İbrahimova elə qanaxmadan kirayə yaşadıqları evdə ölüb.

Faktla bağlı araşdırma aparılır.