Sumqayıtda narkotik əməliyyatı | Dəfələrlə məhkum olunmuş şəxs yenidən saxlanıldı

Sumqayıtda narkotik vasitələrin satışı və qanunsuz dövriyyəsini təşkil edən əvvəllər dəfələrlə məhkum olunan 36 yaşlı Sakit Musayev saxlanılıb.

Daxili İşlər Nazirliyindən verilən məlumata görə, onun üzərindən və evindən ümumilikdə 50 kiloqram heroin, tərkibi psixotrop maddələrlə zənginləşdirilən marixuana, tiryək və metamfetamin aşkarlanaraq götürülüb.

Saxlanılan şəxs narkotik vasitələri şəxsiyyəti istintaqla araşdırılan İran vətəndaşından əvvəlcədən müəyyən olunan yerdən götürərək maddi qazanc müqabilində ayrı-ayrı ünvanlara çatdırmağı planlaşdırıb.

İstintaq araşdırmaları zamanı ortaya çıxan sübutlar Sakit Musayevin narkotiklərin qanunsuz dövriyyəsini təşkil edən şəbəkənin əsas üzvlərindən biri olduğunu təsdiqləyib.

Sakit Musayevin üzvü olduğu narkoşəbəkənin digər iştirakçılarının şəxsiyyətlərinin müəyyənləşdirilərək məsuliyyətə cəlb edilmələri istiqamətində tədbirlər davam etdirilir.